Monday, December 15, 2008

الشمس كوره دهب


الشمس كوره دهب
فيها وردة دهب
وفيها ناس مش ناس وفيها حلم بعيد ..
فيها حب فيها أمل معاها يوم سعيد
الشمس بنت حلوة بتختفى في حضن السما
تتكسف اوى وتتدارى ورا سحاب مرسوم
بايد طفل صغير على سطح فوق
أو يمكن بنوته حلوة بضفيرة ورا شباك
وستارته حلم ونور
القلب حلم صغير وسط ضلوع
مش مهم .. آدم ولا حوا
ما الحب كائن وحيد
بيستوطن وقت الدفا .. وقت الحاجة بينزل دموع
ولما يتعب اوى ينام على حلم شجرة مايلة
وسط مطره جيه
المطرة لؤلؤ من السما ..
بنحبها سوا ..
أنت وأنا ..
فيها دموع بتضحك ..
من ملاك كان زعلان ..
ولما شافنى دمع كمان ..
ورمى مطره ليا عشان ابتسم من جديد
الابتسامة ماشية هناك على أمل مع شمس
تعبت من المغيب
على صوت لحن مرسوم في قارب
ماشى وسط موج أو يمكن على ضفة نيل
بيستنى مينا بيستنى شيء بعيد
كل الكلام بنقوله .. نحسه اوى بين ضلوعه
ولما نحسه أوى بيقف كل الكلام
ونلاقى الصمت والسكات في العيون
لغز ماشى وسط شارع
وسط حارة وسط ألف حلم قرب يميل
وتيجى ابتسامه حلوة من حد منعرفوش
نرفع العيون للسما من بلكونه
ياما شافت مننا حب وهوا
نقول يارب من قلب طاهر نضيف
ولما تتعب القلوب
تقوم نصلى في الحسين
ويمكن نصلى يدوب ركعتين
وسط أوده ضلمة فيها صريخ
والعقل فيها في جنون
ولما نحب تانى مرة .. ننسى اللي فات
مع انه مبيتنسيش
يالى رايح ويالى جاى
ارقص أوى .. ارقص كمان
خلى ابتسامتك زى شجرة .. ألف فرع
وجزر في البطون
خلى روحك بس صافيه .. وانسي الغروب
هقفل كتابي .. وأسيب الكمنجا
أصل اللحن كان جميل
ألحق أنام على صوته ..
ألحق أنام على صوته ..
وتنتهي الحكاية ومتتنهيش
ويتبقى قلم بيكتب
ياترى هعيش .. امسكه تانى بين إيديا ومعاه أعيش .. معاه أعيش

23 comments:

من هزمتها الايام said...

يسعدنى ان اكون اول تعليق
فعلا الشمس كوره من ذهب
وهذا تعبير رائع
وكل يوم معها تشرق ابتسامه سعيدة
ويولد امل جديد
وكل يوم تبتسم البنت
فى وجه الشمس السعيد
وتخجل وتدارى
وراء السحاب ووراء الجليد
بجد رائع
مع التحيه

نهر الحب said...

كلماتك فيها دفء
وامل حزين امل مكسوف من حقيقة الحياة
يمكن مش عارفة اعرف بس بجد سلمت اناملك
تحياتى لك

smilyrose said...

اخى الغالى

اصبحت كلماتك مصدر اسعاد لقلوبنا

منبع دفء للقلوب الباحثة عن امل

نعم اصبح الامل هوم الشئ الجنونى الذى

نبحث عنه امل فى شئ صادق وفى

فى لحظة يعيشها القلب هى بالعمر كله

امال واحلام دموع وبسمات

قطرات ندى تتساقط على قلوب

شغفة للحظة حب صادقة

دمتى اخى الغالى

smilyrose

روح الحب الصادق

مولان said...

فيها حب فيها أمل معاها يوم سعيد
الشمس بنت حلوة بتختفى في حضن السما
تتكسف اوى وتتدارى ورا سحاب مرسوم
بايد طفل صغير على سطح فوق

********

تعرف عشت اوي مع الكلام ده حسيت اني طير بحلق وسط السحاب ومش في اي شي بيعكر صفو حياتي

كلامك احساسه عالي كالعاده

تحياتي

نبض الروح said...

فعلا كلمات رائعة جدا
تعودنا على عذوبة ماتكتب , ودائما بشغف ننتظر منك المزيد
فسلمت أناملك أيها المبدع

مدينـة من النسـاء said...

حسيت معاك وكأني طفله صغيره
بتعلمني الدنيا الصح ملامحها ايه
بتعلمنى معنى الشروق
وايه هى ححقيقة النور
في عالم اتغطى بالضلمه في نور الشمس
حسيتك بتاخدني لعالم نضيف
عالم حقيقي
زى المفروض هو اللي يكون
شفت ملامح الدفا مش حسيته وبس
سمعت صوت النور مش دفاني وبس
حسيت النهار مش شفته وبس
علمتني في حروفك ازاي ابتسم من جوايا
قبل ما ارسم البسمه على ملامحي


===

خلى ابتسامتك زى شجرة .. ألف فرع
وجزر في البطون
خلى روحك بس صافيه .. وانسي الغروب

*

قادره تهزم ألف جرح وطعنة حزن مغروسه فينا
المهم نرويها بكا مافينا
بسمه غاليه راكبة موجة عمرنا
لو صح من قلبنا
عمر الموجه ما تغرق ونفضل عايمين في بحر أحلام فوق في السما

========

ولما نحب تانى مرة .. ننسى اللي فات
مع انه مبيتنسيش

* حب تاني
يمكن كل دقه فيه تحييك عمـر معشتهوش
ترسم جواك ملامح تكمل اللي فات ماتمسحوش
عمر اللي راح مش بيرجع بس كمان عمـره مابيموت
حتى لو نايم في حضن تراب
اوقات دفانا بيديه حياة عـُمره ماعاشها وهو فيه الروح
لازم نعيش
نعيش
علشان الأمل اللي جاي
يقدر يلاقي له على أرض الحقيقه جدور

====

سافرت معاك في رحله جميله أوى
رسمت جوايا ملامح طفله
عمري ماكنت أفكر أحلم بيها

أرق تحيه ..

رندا said...

الشمس بنت حلوة بتختفى في حضن السما
تتكسف اوى وتتدارى ورا سحاب مرسوم
بايد طفل صغير على سطح فوق
أو يمكن بنوته حلوة بضفيرة ورا شباك

**

ولما تختفى فى حضن السما تلاقى نسمة هوى كأنها في بلد ما تعرف الشمس غيرها وطن... و القمر فيها وجه صبية ملاكـ .. و كان فيها ناس...الحبـ الخير فيها الاساس
تنادى سعة الفضاء الشمس كورة دهبـ
ما اشهى ان تنادى التبعثر في المطلق
فى رحم الشمس تنادى ملاكـ
تستوطن وقتـ الدفا جوة جوة حضنها
ومن كتر حلمها تنظر الى وجهها
وتختفى على سطحها
بكل حلمها
لم أعد بانتظار وردهـ الحلم الان خيوطها وردتى

تنادى على المطر فيهربـ صوتها بعيداً ..وييجى المطر بابتسامة حلوة منورة تدخل جوة البرد ويتحالفـ مع ثلج صدرها,, وتخطفـ منه الضياء .. المطر ينزل على جسمها
والهدوء اللي برز صوت المطر علي انغام فيروز
ترقص وترقص وتضحكـ بصوتـ مسموع
وكأن دة كل حلمها

***
لا تعلم ماذا فعلت بى حقاً لا تعلم

كنتـ انظر الى الشمس بنفس ماقلتـ وللمطر بكل ماتصورتـ
عجباً
ليتنى الان انا فى حضنها
:)

سانتظر خلفـ ابوابـ السما
لانظر الى شمسها
***
ياترى هعيش .. امسكه تانى بين إيديا ومعاه أعيش .. معاه أعيش

ولما لا الايام تكتب وتستجيب

لك منى قلبـ من دهب بشرائط من الماس ولك منى خيوط الحياهـ تحاك فى الخفاء

صفـــــــاء said...

.
اول واحد يتكلم عن الشمس بالطريقه دى
اول مرة اسمعها

الشمس بنت مكسوفه بتستخبى
وتبان

مفيش حزن لكن فيه شجن له وقع جميل جدا

احساسك حلو اوى يعنى
.

طـــائر الليــــل الحـــــزين said...

بجد يا عمرو انت مش ممكن
تعبيراتك وجملك مش معقولة
جمل كل بوست بيكون اجمل واحلى من اللى قبله
وحيراتى الدائمة فى ردى على كلماتك
بيخلينى من محبى قراية الجديد عندك بأستمرار
تعرف انا معلقتش على جملة معينة مش عشان مش قريت ولكن عشان هما كلهم اجمل من بعض
فمحتارة فى الكلام اللى هعلق بيه
تقبل تحياااااتى
ليك ولكلاماتك الساحرة

وومن said...

ها انت تعيد الكرة تخرجني من كتب شكسبير لأعبر علي جناح طائر اسطوري سماء بعد سماء واجلس هناك علي شعاع الشمس

استمع للحناً فرعونيا عزف من الاف الاف السنوات وما زال صداه يتردي

انا دائما هنا

خالص تحياتي

lylanaa said...

الفارس الملثم
دائما متميز و مبدع والله القصيدة رووووووووعة من كاتب اروع
كثير اعجبتني سلاسة كلماتك وذوقك واسلوبك
بجد ابدعت

البحث عن أنا شىء جنونى said...

من هزمتها الايام .. الرقيقة

الشمس امراه شرعية ... :)

فدمتى شرعيه

البحث عن أنا شىء جنونى said...

نهر الحب .. الرقيقة جدا

التى تحمل امراه وامراة بين الضلوع
احساسك الدافىء امتلات به صفحات كلماتى

فصار الدفء بين اضلعك فنزفتى احساس امراة

البحث عن أنا شىء جنونى said...

الزهرة الباسمة

دائما ما تعصفنى كلماتك الحنونه

الدافئة .. ذات الرقة النائمة كزهرة شتوية بين الاوصال

دائما ما اشعرك بدفء الشتاء
وردة قرمزية انتى

فدمتى اختى الغاليه .. دمتى بكل صدق

البحث عن أنا شىء جنونى said...

مولان الرقيقة الحالمة

لطالما كانت هناك شواطىء وعوالم تاخذنا دائما الى هناك معها ونتمنى لو تدوم

اختى الجميلة .. الرقيقة دمتى دائما

بكل حلم وكل شمس تغفو بين ذراعيكِ

البحث عن أنا شىء جنونى said...

نبض الروح والقلب

حواء الحالمة .. يكفينى مرورك وسكونك هنا للحظات ..

مع وردة شتوية .. ارسل لك نسمات بحر ثائر ..

البحث عن أنا شىء جنونى said...

مدينة من النساء ..

ارى هنا الف مراة بل الاف النساء فى حديقتى .. وحول زهريتى وسط قلبى الحالم

رايت فى عينيكِ تلك الطفلة التى تعبث بالعابها وتهرول على الطرقات وسط الريف الغربى الجميل .. رايت فى عينيك احاسيس اخرى لا تحملها كل النساء

الحب انسان يتكون داخلنا بعمق يستوطن بعمق وينام بعمق ويعيش بعمق
وانتى هنا فى احاسيسى فى عمق
شمس باسمه
طفلة حالمة
لا السنين تاخذ العمر
ولا العمر ياخذ منا الحياة
فالحب حياة اخرى
تحياها الف مرة ومرة
فى كل لحظات
الحب شمس .. والحياة شمس
لنجمعها شمسا ونذوب
يا نيل حرية الاحاسيس
دمتى بكل حب .. لكِ منى الف وردة يحملها ضلع آدم

البحث عن أنا شىء جنونى said...

رندا رندا رندا

الجميلة الحالمة .. المراه الروحية
وهج الاحساس ..
كم اوحشنى تلك الانامل المنبثقه من خلف الشمس الذهبية .. انامل امراة بالفعل شرقية .. تحمل السحر والاصالة

ما اعذب ما خطته اناملك يا رندا
ما اجمله ويالا عذوبته
عشت فيه كاننى طفل الرابعه
اهيم بين كلماتك التى تكاد
تخترقنى
كنسيم عابر من اعلى جبل من الاحساس
لن اشوه ما كتبتى
لن اقول ..
فقط ساكتفى بان البس عباءتى
واغطى وجهى
وارسل لك اشواق عيونى الشرقيه
ومعها طيات بحرية :)

البحث عن أنا شىء جنونى said...

صفاء الصافيه الرقيقة

لكم يسعدنى جدا حواء ان اراكِ باحساسك الانثوى بين سطورى

انها ليست الاولى يا صفا الحب
ولكنها الاولى كى تشعرى كذلك

كل ما عليكِ هو تتغنى مع الرومية بآدم وحنان وحين قرائتك ستعلمين مقصدى :)

البحث عن أنا شىء جنونى said...

طائر الليل الحزين الرقيقة الجميلة

لا تقولى شيئا :)

فقط يكفينى ابتسامتك .. يكفينى حسك جميلتى وقلبك .. فانتى هنا وردة حمراء تزين الكلمات ... كل ما عليكِ هو ان تستلقى على فراش الكلمات .. وتذهبين على عالم الخاص على بساط من الاحاسيس

دمتى وردة :)

البحث عن أنا شىء جنونى said...

وومن الهادئة الحالمة

المراة الذكية .. حواء العميقة جدا
اعلم روحك جيدا التى تحمل الف اه والف دمعه والف ابتسامه ملايين من الاحلام

اعلمها جيدا ايتها العاقلة الجميلة
.. كونى هنا دائما بين الشكسيبرية والاسطورة :)

البحث عن أنا شىء جنونى said...

ليلانا الرقيقة الطيبة

ذات الروح الصافيه التى تملك من الصمت ما يثير الكلمات

شكرا لكِ الف مرة .. على وصفك الحنون لى :)

كونى هنا دائما

الان سامشى

باحثه عن زاتي said...

يسعدني انا اكتب للك
الشمس كوره دهب
فيها ورده دهب
وفيها ناس مش ناس وفيها حلم بعيد
الله الله الله علي كلماتك الجميله
اخذتني سطورك الي عالم بعيد عالم جميل عالم احبه واتمناه ولا اريد الخروج منه بحق
تحياتي للك دائما