Sunday, May 8, 2011

أه كفاية



ساعات كتير اوى لما كنت اتلخبط فى الكلام كنت ابتسم وابتدى اعيد من الاول وكنت ارجع اتلخبط تانى فابتسم اكتر وارجع مرة تانية اعيد من الاول واتلخبط تالت فاضحك من قلبى ضحكة طفل , انا مفتقد الضحكة دى اوى مش لانى بقيت مبتلخبطش لاء , بس لانى مبقتش اساسا بتكلم

زمان وانا صغير كان حلمى مش كبير , كنت بحلم اموت صغير

.

.

.

اه كنت بحلم انى اموت ...

بس للاسف , عشت انا وحلمى مات

لما جيت انهى كلامى دلوقتى حسيت انه مبينتهيش مش لانه كتير لكن حسيته

.

.

.

تقيل اوى لدرجة انه واقف فى مكان واحد وبيتزاحم علشان يخرج

فخفت اوى اتكلم يخرج كلام فى الزحمة يمكن انا معرفوش ووقتها هبقى خسرت قدرتى على الكلام وكمان رغبتى فى انى اتكلم مرة تانية



اعتقد انى كده انتهيت رغم ان النهاية لا تعنى الانتهاء , بس هقدر اقول دلوقتى كفاية .. اه كفاية

2 comments:

حسن ارابيسك said...

تصدق أنا كمان كان عندي نفس الحلم ده من صغري كان بدرجة عالية جداً
جميلة جداً تناولك للفكرة
تحياتي
حسن أرابيسك

حسن ارابيسك said...

تصدق أنا كمان كان عندي نفس الحلم ده من صغري كان بدرجة عالية جداً
جميلة جداً تناولك للفكرة
تحياتي
حسن أرابيسك